夢—想

小學時其中一份最喜歡的功課係—週記，也許週記提供當時我一個平台抒發己見。中學時曾經流行過 XANGA,，對於現今一代可能比較少接觸 XANGA，但係一個當時零成本情況下又可以抒發己見的好地方。

科技日新月異，自 XANGA 收費後，已經很久沒有一個平台抒發感受，十年又過去，當年既《耿耿於懷》後，到最近流行既《羅生門》，忽然回首，已經不再是當年既黃毛小子。幸然K生出錢出地方（管理員K編按：這可是免費的啦，還要欠你們稿費！哈！）先行謝過給我一個地方紀錄我的點點滴滴(不嫌小弟拙作)。有時，幾個月，幾年後可以睇返自己寫既野，也許有另一番體會。

今日終於首播《4 個小生去旅行》，除了早幾日謝賢曾江既炒作新聞外，我覺得成件事很美好。首先，我覺得講4 個老友去旅行係一個很好的主意，再者是一個旅遊節目，加上係講一個我好想去既俄羅斯，完全合我胃口。回想好多個幾年前，某個初夏，不知天高地厚既我、K， C 三個去了一個我想住既地方—PARK ISLAND(題外話, 當年樓價還是屬於可以負擔的正常水平)。雖然當年笑說三個一起住PARK ISLAND，但其實我心底是很想我的好友可以住在附近， 假日一起去島上既沙灘，或者圍住島踩單車、野餐，踢波，晚上一起圍埋一起睇波打機，成件事好男人的浪漫。可是隨著踏入呢個社會大學後，加上物價樓價不斷高漲，呢個「夢想」 愈來愈遠，又或者根本只是我太認真當時既嘻嘻哈哈。也許唔需要住在附近都可以做到以上既活動，也許我們可以黎反個《幾個小生去旅行》啦。

有人追求一個又一個既夢想，但我覺得夢想其實可以很簡單。