路，該怎麼走？

人生有目標、有理想是應該的，

因為連理想都無的話真係同條鹹魚無乜分別。

可惜的是你總不能輕易地走出你理想的那條路，

世界、社會、甚至你自己，

其實早已在你決定咗你條路應該點行之前就已經鋪好晒。

就以香港為例，每個打工仔(包括我)打份工死慳死抵、炒埃瘋炒股票，唔通係想做世界首富咩？

都係為咗層樓之嘛。

香港就係咁，一講到無車無樓就好似係連基本人權都無埋咁款。

辦公室政治，有邊一個地方係無嘅呢？

每日你返工，工作上九成九時間對人仲多過對事，自自然會浮現各種糖心風暴般的勾心鬥角情節。

你以為每個人都好想分邦分派、日日返工就好似打仗咁又為乜？

你要明白，乜都唔做就淨係可以等做戰場上嘅砲灰。

條路點行，你知我知，喺你決定點行之前其實早已定型。

而去行，只係差一個強而有力、可以說服到自己的理由罷了。